2017 оны "Сүмбэр бороо-1" экспедицийн тайлан

“СҮМБЭР БОРОО-1” экспедиц нь цаг агаарт зориудаар нөлөөлж хур тунадас нэмэгдүүлэх үйл ажиллагааг Монгол Улсын Засгийн Газрын 2007 оны 96-р тогтоолоор баталсан “Цаг агаарт зориудаар нөлөөлөх үйл ажиллагааны хөтөлбөр”, ЦУОШГазрын даргын 2017 оны 05 дугаар сарын 02-ны өдрийн  А/56 тоот тушаалыг үндэслэн УЦУОШГазрын даргын 2017 оны тоот тушаал гарган цаг агаарт зориудаар нөлөөлөх үйл ажиллагааг зохион байгуулав.

Тайлангийн хугацаанд  хур тунадас нэмэгдүүлэх боломжит  нөхцөл 5 сард 1 удаа, 6-р сард 3 удаа, 7-р сард 4 удаа, 8-р сард 1 удаа бүрдсэнээс хур тунадас нэмэгдүүлэх ажиллагааг 5 сард 1 удаа, 6-р сард 3 удаа, 7-р сард 4 удаа, 8-р сард 1 удаа явуулж нийт 60 гр реагентээр үүлэнд нөлөөлж, аюулгүй ажиллагааны болон нисэхийн аюулгүй ажиллагааны зөрчилгүй  ажиллав.

Экспедицийн бүрэлдэхүүнд Газрын дарга Э.Энх-Од, ЦАЗНэкспедиц, хөдөлмөр хамгааллын инженер М.Баярсайхан, Синоптик инженер Б.Пүрэвсүрэн, жолоочоор С.Ганхүү нар ажилласан.

2017 оны 4 дүгээр сарын 4-ний 17/17 тоот ИНЕГазар болон ЦУОШГазрын хамтарсан агаарын хөлгийн нислэгийн аюулгүй байдлыг хангах гэрээ, журам, ЦУОШГ-ын даргын 2017 оны 03 дугаар сарын 28-ны А/38 тушаалаар баталсан ЦАЗНөлөөлөх ажлын аюулгүй ажиллагааны заавар журам, зэргийг сахин биелүүлж зөрчилгүй ажиллав. 

Сүмбэр бороо-1 экспедиц 2017 онд 9 удаа цаг агаарт зориудаар нөлөөлсөн. Үүнд:

• 5-р сарын 20-ны өдөр Дундговь аймгийн Цагаандэлгэр сумын Хүрийн Ухаа толгой
• 6-р сарын 20-ны өдөр Говьсүмбэр аймгийн Баянтал сумын Бор толгой
•  6-р сарын 20-ны өдөр Дундговь аймгийн Цагаандэлгэр сумын Цагаан толгой
• 6-р сарын 30-ны өдөр Говьсүмбэр аймгийн Баянтал сумын Лүнгийн овоо
• 7-р сарын 05-ны өдөр Говьсүмбэр аймгийн Сүмбэр сумын Хавиргийн Ухаа
• 7-р сарын 06-ны өдөр Говьсүмбэр аймгийн Шивээговь сумын Эрдэнэ толгой
• 7-р сарын 18-ны өдөр Говьсүмбэр аймгийн Сүмбэр сумын Гашуун
• 7-р сарын 19-ний өдөр Говьсүмбэр аймгийн Сүмбэр сумын Мөнхийн овоо
• 8-р сарын 03-ний өдөр Говьсүмбэр аймгийн Сүмбэр сумын Хүрэн өндөр овоо нутгийн чиглэлд тус тус гарч цаг агаарт зориудаар нөлөөлөх ажиллагааг зохион явуулав.

Үйл ажиллагааг явуулахдаа босоо өнцөгийн 45 градусаар, 05-р сарын 20-нд хэвтээ өнцөгийн 340 градус өнцөгөөр 3 пуужин, 06-р сарын 20-нд хэвтээ өнцөгийн 290 градусын өнцөгөөр 2 пуужинг, 010 градусын өнцөгөөр 3 пуужин  давхраат бөөн үүлэнд 2 удаа, хөгжингүй бөөн болон борооны бөөн үүлэнд 1 удаа,  06-р сарын 30-нд хэвтээ өнцөгийн 060 градусын өнцөгөөр 2 пуужинг бөөн, борооны бөөн үүлэнд 1 удаа, 07-р сарын 05-нд хэвтээ өнцөгийн 185 градусын өнцөгөөр 2 пуужинг, 07-р сарын 06-нд хэвтээ өнцөгийн 105 градусын өнцөгөөр 2 пуужинг бөөн, борооны бөөн, давхраат үүлэнд 2 удаа, 07-р сарын 18-нд хэвтээ өнцөгийн 225 градусын өнцөгөөр 2 пуужинг бөөн, борооны давхраат бөөн үүлэнд 1 удаа, 07-р сарын 19-нд хэвтээ өнцөгийн 200 градусын өнцөгөөр 3 пуужинг давхраат бөөн үүлэнд 1 удаа, 08-р сарын 03-нд хэвтээ өнцөгийн 285 градусын өнцөгөөр 1 пуужинг хөгжингүй бөөн болон борооны бөөн үүлэнд 1 удаа тус тус харвалт үйлдсэн.

Үйл ажиллагааг явуулсаны үр дүнд нийт Баянтал суманд 32.7 мм, Сүмбэр суманд 34.9 мм, Шивээговь суманд 35.6 мм бороо орсон. 

"Сүмбэр бороо-1"