Урьдчилсан мэдээ > Улирлын төлөв

Улирлын төлөв

Шинэчлэгдсэн: 2024-03-19 13:01:24

Нэг. ТАНЫ АНХААРАЛД

Ус Цаг Уур, Орчны Судалгаа, Мэдээллийн Хүрээлэн (УЦУОСМХ)-ийн Цаг Агаар, Орчны Тоон Загварчлал, Судалгааны Хэлтэс (ЦАОТЗСХ)-ээс 2023 оны 6 – 8 дугаар саруудын урьдчилсан төлөвийг тооцоолон танд хүргэж байна.

Урьдчилсан төлөвийг Цаг агаар (tsag-agaar.gov.mn) цахим хуудсанд сар бүрийн 28-нд шинэчлэн гаргадаг тул хэрэглэгч та бүхэн тухай бүрд нь шинэчилсэн мэдээг ашиглаж байна уу.

Дэлхийн Цаг Уурын Байгууллага (ДЦУБ)-аас тогтоосноор олон жилийн дундаж (ОЖД) утга гэдэгт 1991–2020 оны хоорондох тухайн цаг уурын хэмжигдэхүүний дундаж утгыг авч үздэг.

Улирлын төлөвийн талаар лавлах шаардлагатай бол УЦУОСМХ-ийн 11–326606 утсаар холбогдох болон тус хүрээлэнгийн ЦАОТЗСХ-ээс тодруулах боломжтой.

Хоёр. ТОЙМ

2.1 6 – 8 дугаар сарын уур амьсгал

Агаарын температур VI сард Баян-Өлгий, Хөвсгөлийн ихэнх, Ховдын төв, Завханы зүүн өмнөд, Баянхонгорын хойд, Архангайн баруун өмнөд, Төвийн зүүн хойд хэсгээр 6...12°C, Говь-Алтай, Баянхонгор, Өвөрхангай, Дундговийн өмнөд, Өмнөговь, Дорноговийн нутаг, Сүхбаатарын баруун өмнөд болон Дорнодын ихэнх нутгаар 18...24°C, бусад нутгаар 12...18°C дулаан байдаг байна. VII сард Баян-Өлгийн нутаг, Увсын баруун, Ховдын төв хэсэг, Завханы зүүн өмнөд, Баянхонгорын хойд, Хөвсгөлийн ихэнх, Архангайн баруун өмнөд, Төвийн зүүн хойд хэсгээр 8...14°С, Говь-Алтай, Баянхонгор, Өвөрхангай, Дундговийн өмнөд, Өмнөговь, Дорноговийн нутаг, Сүхбаатарын баруун өмнөд болон Дорнодын ихэнх нутгаар 20...26°С, бусад нутгаар 14...20°С дулаан байдаг. Харин VIII сард Баян–Өлгийн нутаг, Увс, Архангайн баруун, Ховдын төв, Завханы зүүн өмнөд, Баянхонгорын хойд болон Хөвсгөлийн ихэнх нутгаар +8…+12°C, Говь–Алтай, Баянхонгор, Дундговийн өмнөд, Өмнөговь, Дорноговийн ихэнх нутгаар +20...+24°C, бусад нутгаар +13...+19°C дулаан байдаг байна.

Хур тунадасны хувьд VI сард Хангай, Хэнтий, Хөвсгөлийн уулархаг нутаг болон Дорнодын тал нутгаар 40 – 70 мм, Их нууруудын хотгор, Алтайн өвөр говь болоод говийн бүс нутгаар 0 – 30 мм, бусад нутгаар 30 – 40 мм тунадас ордог бол VII сард Хангай, Хөвсгөл, Хэнтийн уулархаг нутаг болон Дорнодын тал нутгаар 70 – 100 мм, Их нууруудын хотгор, Алтайн өвөр говь болон говийн бүс нутгаар 0 – 30 мм, бусад нутгаар 30 – 70 мм бороо ордог байна. Харин VIII сард Хангай, Хөвсгөл, Хэнтийн уулархаг нутаг, Дорнодын тал нутгаар 60–100 мм, Алтайн өвөр говь болон говийн бүс нутгаар 0–30 мм, бусад нутгаар 30–60 мм ордог байна.

 

Гурав. 2023 ОНЫ 6 – 8 ДУГААР САРЫН УРЬДЧИЛСАН ТӨЛӨВ

3.1 2023 оны 6 – 8 дугаар сарын цаг агаарын мэдээ 

Зургадугаар сард. Сарын дундаж агаарын температур 12…18 градус дулаан байдаг ба энэ сард ОЖ-Дунджийн орчим байна.